深井傅記燒鵝飯店

吞麵小子

每次找行山徑的時候，都盡量搵一個有美味食物的終點，今次亦一樣，行元荃古道並以深井為終點，可以品嚐一下深井出名的燒鵝。

校正時間，行到去深井正是午餐時間 1:00。深井燒鵝品牌多，「裕記」出名，亦有多年米芝蓮，但評論多以「吸 $」為主，放棄。「陳記」在我家附近有分店，不選擇。所以最後揀咗聽聞多以招呼街坊為主的「傅記」。

有 alfresco 位，但不大通風，而我是不大喜歡食二手煙，最終坐在店內燒味櫃附近。叫了一碟燒鵝飯，沒有揀燒鵝瀨，因為行完山太肚餓了。燒鵝飯賣相只是一般，先試吓燒鵝皮，香，微脆，有炭燒味，唔錯。鵝肉，甘香，不算太肥，醃得入味，並有陣陣八角香，收貨。淋上面的鵝汁及酸梅醬，雖然不算出眾，但不會太濃太鹹，可接受。白飯用香米並夠熱（最怕食凍冰冰的飯）。埋單免茶芥盛惠 $55，value for money（如果在米芝蓮店食同一碟，連茶芥加一，雙倍價錢都不能出門口），滿足，特別在行完山肚餓的時候，今次選擇正確。