土瓜灣四點金

吞麵小子

當外國朋友或澳門朋友到香港探訪的時候，他們可能會想起食潮州菜（特別是澳門朋友），他們說香港的潮州菜造得比較出色，可能因為香港的潮州人比較多。但每當我想起潮州菜，有限的經驗總令我聯想到不好方面，不少打冷店雖然出名，但座位非常擠迫，讓人坐得不舒服，但價錢卻不便宜；坐得舒服而相對「街坊價」的就比較難找。

上星期約了老表一起晚飯吹水，想食潮州菜，但吹水的重要一環是坐得舒服。經過一輪搜索及朋友推介，選擇了位於土瓜灣的「四點金」。

餐廳距離地鐵站有一段路，但地方光鮮，座位寬敞，兩個人叫了家鄉煎水瓜烙、蠔仔肉碎粥、滷水鵝下裝及甜品，都是試基本潮州餸。

服務員先上的當然是滷水鵝，鵝肉嫩滑，亦不會死鹹，有滷豆腐墊底，豆味香亦嫩滑，好食。再上家鄉煎水瓜烙，呢個驚喜更多，煎得啱啱好，邊有小脆，整塊餅煙韌，用筷子夾起亦不怕散開，口感非常好。試埋個蠔仔肉碎粥，內裏有方魚，非常香脆，蠔仔雖不大，可接受，整體比例（蠔仔、肉碎、冬菇、白米、方魚）效果唔錯。

還有很多菜式想試，無奈只得兩個人，食得不多，但那天晚上兩老表都好滿足，天南地北說個不停，餐廳服務友善，價錢親民，亦開始改變我對潮州菜館的想法。

香港現在好需要這類食店。