中半山利安

我喜歡泰國 Fusion 菜。
我亦喜歡幽雅進食環境。
想不到半山竟然有地方可以二者兼得。

主人係中學同學，有少少藝術家脾氣，裝修可能令人覺得不一般，問佢又話冇刻意設計，吹佢唔脹，奇在又幾好睇。近幾年同學聚會都喺呢度舉行，招待規矩是，1) 免費；2) 不說粗話者恕不招待；3) 食雪茄者優先；近日聽講，識彈結他者亦獲優先，一於練返少少。菜式由主人設定，客人最多俾揀煲仔飯定係泰國米粉。酒就多數係法國紅酒，早年 serve Bordeaux，近來係 Burgundy。可能主人老咗口味要淡些或嫌 Bordeaux 太刻意平衡冇驚喜。問佢實唔會講，梗係又話隨意。每次定好日子，主人都會去香港仔街市揀合時嘅海鮮，加上泰國姐姐手藝，永冇失拖，材料有時居然離譜到去巴黎 10 區買麵包返嚟加鵝肝，好似仲有芝士？！（老咗真麻煩）pair with Sauternes 甜酒，點頂，CLS。

進餐時冇乜特别規矩，只係分量實在太多，食唔晒可能被罵，小小心慌。

舊同學食飯，唔知點解，豬噏乜都咁開心，唔通因為老婆唔喺度？呢樣嘢值得深入研究。雖然每次都盡興而回，仍是有壞處，食完飲完，又飽又醉，仲趕船返澳門，喺船度瞓著可能畀人強姦都唔知，所以每次去都有啲驚驚哋。再者，又驚飲慣食慣好嘢，冇得食嗰陣容乜易餓死。

做人就係咁矛盾，到今時今日，唔講話有少少唔想返香港，就算返嚟仲有冇咁多人一齊？？？

今晚都係自己飲汽酒算喇。

7月10夜
（客座）