澳門群記家常菜秘笈 (4) 紅豆豬手

材料：猪手，紅豆，番茄，薯仔，白菜或椰菜，西洋臘腸

*  猪手出水洗淨，㷛稔。
*  紅豆最好隔夜浸水，用原浸豆水㷛稔。
*  番茄用洋蔥、糖煮，然後落薯仔、一粒丁香、兩片鹹蝦葉。
*  再放紅豆、猪手，落白菜或椰菜，用原有水一齊炆，落少少雞粉、鹽、西洋臘腸，煮一陣，攞出切片放回，調味自己決定。

#  蕃茄最後會煮溶在汁內。
#  BB 都可以食紅豆、薯仔。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！