澳門群記私房菜秘笈 (2) 西式煏牛尾，牛腩，牛面頰肉

*  蒜頭、乾蔥切碎，半個洋蔥切大角（後下）。
*  先用橄欖油爆香蒜頭、乾蔥，再落洋蔥炒爆一下。
*  然後落番茄、甘筍、薯仔、糖、鹽、滾水、丁香 2 粒、八角 1 粒，大火煮 20 分鐘。
*  再轉中火炆到稔，如果唔够水就加滾水。
*  最後落鹽、雞粉、糖調味。

#  煏比炆更耐火，所以煮食程序係：先炆半個鐘，熄火唔開蓋；半個鐘後再開火；重複 2 次。整個程序要做 3 次左右，試下啲食材稔就調味。

@  如果炆牛腩加牛筋，牛筋要先用水炆稔，然後再同牛腩一齊煮。
@  如果做中式牛腩就要用柱候醬、腐乳、果皮、蒜頭、乾蔥、小粒冰糖炆。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！