澳門群記私房菜秘笈 (1) 蒸水蛋

*  蒸水蛋一定要用凍滾水，生水係蒸好耐都唔熟，同埋會起蜂窩。
*  蛋＋水，比例 1：1.5，打蛋時加鹽、油。
*  用水開 1 茶匙粟粉，成水狀，不要糊狀，加入蛋漿攪好。（呢度係預 4、5 隻蛋嘅分量。）
*  水滾先蒸 3 分鐘，然後中火蒸 10 分鐘。
*  蒸完最好唔開蓋焗 5 分鐘。
*  放匙羹在蛋面試下熟未，未熟再蒸。
*  最好蓋上保鮮紙或碟，避免有倒汗水。

# 若蒸免治猪肉要先炒 6 成熟，然後放入蛋漿，免治牛肉就不用先炒，因怕猪肉唔熟，加些少麥皮會滑啲。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！