澳門群記家常菜秘笈 (7) 麵豉煎封紅鱣魚／(8) 大芥菜煮黃花魚

(7) 麵豉煎封紅鱣魚

*  麵豉醬少許，加糖，調到合自己口味備用。
*  薑切絲。

*  熱鑊落油，下薑絲，放魚下鑊，跟住落麵豉醬，快炒。
*  贊酒，落少少水，蓋上鑊蓋，大約4、5分鐘。

*  如喜歡可加少許獻汁。

(8) 大芥菜煮黃花魚

*  先煎好黃花魚備用。
*  大芥菜切大件。

*  薑片起鑊，加麵豉，落芥菜，贊酒，加水，落少許糖，炆稔。
*  菜炆稔後，落黃花魚，再炆一陣，上碟。

*  記住每逢加水炆嘢，一定要落滾水。

呢個專欄係講「秘笈」，唔係講食譜，即係預咗大家對煮食已經頗有經驗，所以重點係講下煮食過程，其間點出一啲竅妙，希望大家掌握到，就永冇失手。至於用料同分量，大家可以靠自己嘅經驗，按自己嘅喜好就得。不過稍提一下，最安全係先不要放太重手，試下味，再加，到調啱自己口味為止。祝大家快快樂樂煮食，開開心心圍爐！